في البداية حابب أتكلم على الانتخابات الرئاسية .... ومش هرغي زي بقيت الناس في في إن البرادعي أحسن ولا غيره ولا غيره .... أنا بصراحة عندي اقتراح للنظام الانتخابي مختلف خالص عن التعديلات في الدستور وأكيد أنا عارف إنه مش هينفع في الانتخابات الجاية .... بس ليه ده مايكونش النظام بتاعنا مش بنقلد حد وكمان نظام كويس وأنتم الي هتحاديدوا إذا كان كويس ولا لأ ..... المهم نخش في الموضوع عشان الملل.
الفكرة هي إن مايكونش فيه أي قيود على المرشح لا جنسية مزدوجة ولا سن ولا منصب ولا أي حاجة خالص ولا حتى جمع توقيع ولا أي كلام من البطيخ ده ..... اللي عايز يترشح يترشح ...ونقول إن يتفتح الباب في شهر يناير مثلا ...... وقبل ما أي حد فيهم يقول البرنامج بتاعه لإن أكيد مش هنسمع برامج لألف واحد مثلا ...... ويحصل بعد كده في شهر فبراير أو مارس استفتاء اولي على كل المتقدمين للإنتخابات.... يكون فيها التصويت من الشعب على كل المرشحين اللي شايفين فيهم إنهم كويسين أو يصلحوا للمنصب ..... نقول مثلا يختاره من كل المرشحين عشرة أو خمسة على حسب عدد المرشحين المتقدميين للمنصب...... بعد كده يحصل في نوفبر أو ديسامبر الإنتخابات الرئاسية النهائية طبعا بعد ماكل مرشح يتحفنا بالبرنامج بتاعه ويحصل مناظرة علانية مابينهم واللي بيها الشعب هايختار رئيسه للأرْبع سنين الي بعد كده.
طيب عشان الفكرة ده تتعمل لازم الأول يكون فيه نظام تصويت الكتروني كامل وقوي ..... لإن طبعا غير منطقي كل كمية الورق وال لجان الملهاش لازمة ده تتعمل.
ومشروع زي ده .. هيوفر فرص عمل عشان حد يعمل النظام بتاع التصويت الالكتروني ده ويحافظ عليه ويعملوا صيانة وو وو إلخ...
ومشروع زي ده .. هيوفر فرص عمل عشان حد يعمل النظام بتاع التصويت الالكتروني ده ويحافظ عليه ويعملوا صيانة وو وو إلخ...
طيب هنستفاد إيه من حاجة زي ده .....
أولا :
مش هيكون فيه حاجة اسمها ممنوع عشان سنك أو ميلك أو أو أو ...... مفيش حاجة غير الكفاءة الهتوصلك للآخر
ثانيا :
هيكون بالنظام ده الشرعية كاملة للشعب مش بس في اختيار الرئيس لأ ده كمان في اختيار حتى المرشحين
ثالثا :
مش هيكون في أي حاجة تمنع ناس محترمة ومعروف مدى وطنيتها إنهم يكونوا رؤساء ازا كانوا كفا بغض النظر عن سنهم أو ميولهم أو حملهم ل جنسية أخرى.
رابعا:
مش هيكون فيه وظيفة ل مجلس الشعب غير إنه يحسب الحكومة .... لكن جمع توقيع من المجلس وكل واحد يبقى حاسس إنه عامل جميلة في المرشح الي هيدله صوته .... فاكس يعني.
نيجي بقى لحبايب قلبي ظباط الشرطة في القطر المصري المهيب ..... تاني هقولها ....لو مش حبين تنزله سواء خوف أو كسل أو أي سبب يعني ..... قولوا عادي مش هنقفيش.
لكن انسوا تماما وكليا ولا حتى في الحلم انكم ترجعوا زي الأول بالسلطة الغريبة الي كان عملهالكم مبارك و العادلي .
الواد بتاع كلية الشرطة اللي قال احنا بنحيلكم يا هبل ده لازم يتحقق معاه ..... ولو هم بيتربوا كده جوه الكلية يبقى نقفلها أحسن مش عايزين شكرا .....
ولو الدنيا ملهاش حل فيه اقتراح تاني ليهم ...... نسرح الشرطة خالص ويتعمل جهاز مدني من أول وجديد زينا زي بقيت العالم .... (للي ميعرفش الشرطة في الكوكب كله جهاز مدني ..... إلا احنا جهاز عسكري) ويمسكه حد مدني من كلية الحقوق مثلا.
ولو الدنيا ملهاش حل فيه اقتراح تاني ليهم ...... نسرح الشرطة خالص ويتعمل جهاز مدني من أول وجديد زينا زي بقيت العالم .... (للي ميعرفش الشرطة في الكوكب كله جهاز مدني ..... إلا احنا جهاز عسكري) ويمسكه حد مدني من كلية الحقوق مثلا.
أو يتشال خالص لفترة وتمسك الشرطة العسكرية زمام الأمور كلها ويبقى عساكر الشرطة يتحولوا لعساكر جيش بعد اعادة تأهيلهم..... ولو إني مش مع الحل ده قوي عشان حتى الجيش ابتدى يخرف.
الخلاصة الشرطة لو عايزة ترجع ترجع زي ما احنا عايزين مش زي ماهم عايزين ...... وكمان ياريييت اللي مش بيشتغل منهم مايقبضش ..... لانها من ضرايبنا وكمان أنتم مصدعنا بالوضع الاقتصادي ل مصر وكده ...... وفروا شوية فلوس أهه.
ومن الآخر الشرطة عاملة زي الجسم الي اكله السرطان آه ماشي دراعه شغال مثلا ورجله وكده ....لكن خلاص الجسم على بعضه ميت ميت.
أنا خلصت مع احترامي طبعا لشرفاء الشرطة. والله الموفق.
آه صحيح فيه فيديو لطارق سويدان مع عَمرو اديب مهم جدا ورأيي إنه لازم مصر كلها تشوفه هضيفوا يمكن ييجي بفايدة.
بكيبورد : مهند محمد .
