Wednesday, March 23, 2011

SUMMER INTERNSHIP PROGRAM

Are you ready to... expand your research horizons and taste industry research!! 

Join CMIC’s Summer Internship Program 2011 


CMIC Internship Program is designed for young enthusiastic interns who aspire a chance to join our lab and experience working on real projects alongside full-time employees. The program gives students an opportunity to work in genuine research environment, challenges them to explore new disciplines, and provides meaningful connections to mentors and colleagues who will become part of their professional networks in the future. Internship will vary according to the students interests and qualification to be in research, development or testing.

Candidates: 3rd year student in Engineering or Computer Science or a related field [moving into final year]

Please Provide: 1. GPA/Grade/Rating 2. Any development or research project conducted beyond your class curriculum 3. Recommendation letter from a faculty staff member

Period: From 1st July to 31st August 2010

Application: Applicant to send their updated resumes no later than 1st May 2011 

APPLY NOW:       
Applicant to send their updated resumes and other required documents to:
cmiccont@microsoft.com

Monday, March 14, 2011

اعرف لجنتك الإنتخابية وانزل قول رأيك

اعرف لجنتك الانتخابية ده خدمة جديدة من استفتاء مصر ..... أنا بحترم حاجة زي ديه
__________________________________________________________________________________
اللي احب اقوله ل كل الناس 
بغض النظر إنك 
موافق 
معارض 
مش عجبك الموضوع أصلا

ارجوك انزل وشارك بصوتك ده مش بلد الناس التانيين أو مبارك 
ديه بلدك إنت 
مستقبلك ومستقبل والدك إنت بتبنيه بسلبيتك أو ايجابيتك 

قبل ماتقول آه أو لأ بطلب منك كام حاجة كده 
متبنييش قرارك على رأي واحد بس 
شوف الناس البتقول آه بتقول آه ليه وال بيقول لأ بيقول لأ ليه 
حاول تبني رأيك بعد ماإنت تقرا التعديلات بنفسك وتشوف هتأثر فيك وفي البلد إزاي
احترم رأي الغير عشان مفيش حاجة في الدنيا الناس اتتفات عليها 
تقبل النتيجة النهائية للاستفتاء حتى لو كانت ضد صوتك لو إنت بينك وبين نفسك مش حاسس بتزوير 

مش عايز اطول .... بس مش عايزين نسقط في أول امتحان للديمقراطية  انزل وقول رأيك  اين كان مش هتندم عليه 
هانبنيكي يا مصر إن شاء الله وهتبقي أحسن بلد في الدنيا 



بكيبورد : مهند محمد 

كيبورد = keyboard  

Saturday, March 5, 2011

5aleeek mabsoooooooooooooot ":D:D:D:D

5aleeek mabsoooooooooooooot ":D:D:D:D


إشتري علبة شوكولاتة مستوردة غالية و كلها.

بص على بنت حلوة و إعرف أنها لو عرفتك كويس أكيد هتحبك.

إلعب لعبة مالعبتهاش من و إنت صغير.

إعرق و إنهج و حس إنك عايش.

إطفي نور أودتك شغل التكييف إسمع أكثر مزيكا بتحبها و إسرح معاها.

بص لأهلك و عرفهم قد إيه بتحبهم.

بص للي تحتك و إعرف قيمة كل حاجة معاك.

بص للي فوقيك و إعرف إن رغبتك إنك تبقى زيهم هي اللي مدية طعم لحياتك.

إستمتع بشمس الصيف.. بصلها و قولها إنك مش كارهها.. حتى لو عرقتك و لزقتك..

روح أقعد على البحر.. دخل رجليك في الرمل.. و خرجها.. بطل تفكير.. و إبدأ حس..

في الشتا إنزل تحت البطانية و حط كوباية الشوكولاتة السخنة جمبك.. إبتسم و غمض عينيك و نام.

إشتغل لحد ما تحس إنك مت.. نام ثاني و إشحن و روح موت نفسك ثاني.. وإعرف إنك زودت حاجة للدنيا ماحدش كان هيزودها غيرك.

إعرف إنك كائن مهم و في كل لحظة بتغير إتجاه التاريخ.

بص لشحات واقف جمبك.. ماتديلوش ولا نكلة.. بس سلم عليه و إضحكله و قوله “عامل إيه؟ تمام؟”

سلم على واحد صاحبك و خدوا بالحضن.. و زود مدة الحضن ثانية زيادة.. هتقوله حاجات كثير.. – بس إتأكد إن نيته مش وسخة و إنه عارف إنك “مستقيم” –

بص لبنت مغرورة و إضحك من جواك.

بص لبنت وحشة و عاكسها بنظراتك و إعرف إنها هترجع البيت مبسوطة.

بدون سبب إبعت رسالة لأي حد بتحبه قوله حاجة حلوة.

إفتح شباك العربية و إطلع على طريق سريع خلي الهوا “يطس” في وشك.. صرخ.. بس إتأكد إنك مش داخل على لجنة و إنك لوحدك و مافيش حد تعرفه في العربيات اللي حوليك.

إضربها جزمة.

خلى اللي يكره يكره و اللي يشتم يشتم وإعرف إنهم مضيعين وقتهم.

إتأكد إنك لو عارف إنك هتموت بكرة هتعمل نفس اللي بتعمله دلوقتي.

حب جامد قوي حتى لو حبك مش هيستمر لحد بليل.

كل أكلة حلوة قوي.. بس ماتخليهاش تشبعك.

إشرب مشروب دخلت المطبخ و إخترعته و لو ماعجبكش إرميه في الحوض و إنزل إشرب حاجة ثانية بتحبها.

ماتشربش شيشة أو سجاير.. إشرب الهوا.. إستمتع بيه.. مش هتعرف قيمته إلا لو خلوا الهوا بفلوس.. ساعتها هتستمع بيه كأنه سيجارة حشيش مغربي.

بطل خمرة و مخدرات.. و إتعلم إزاي تستمتع بحتى أوحش الحاجات حوليك.

أكسب نفسك و حب حد بيكرهك.

إكسب نفسك ثاني و حب حد بتكرهه.

إكسب نفسك ثاني و إنسى حد لسه بتحبه من غير ما تكرهه.

إتفرج على ماتش كورة لفرقتين ماتعرفهمش و شجع واحد فيهم قوي.. قوي.. حتى لو كان بيلعب زي الزمالك.

إنزل شجع مع الزملكاوية لما يكسبوا.. حتى لو إنت مش زملكاوي.

إقرا الكلام ده من غير ماتعلق عليه و لو مش عاجبك بطل قراية.

شوف فيلم الكيف و ماتتفرجش على آخر ربع ساعة فيه.

إتفرج على الناظر من أول ما بيظهر محمد سعد.

لما تقابل واحد مش فاكر إسمه و مش بتسلم عليه عادة خده بالحضن و قوله واحشني جدا يا معلم..

إقرا كتاب عن موضوع معقد مانتاش فاهمة و بعدها إنزل مع صحابك.. هتتبسط قوي.

جرب أكلة جديدة في مطعم فخم.. ثمنها يخرب بيتك.. و روح و إنت مبسوط.

شد مع عربية سيات.

إلبس أحلى لبس عندك و إنزل إمشي في الشارع و إنت فارد ظهرك.. و ماتحطش إيديك في جيبك خليهم أحرار.

إشتري ورد لواحدة تعرفها عادي.. و قولها أصلك زي أختي و بعزك قوي.. هتتجنن.

إرقص حتى لو في أودتك و إنت قافلها بالمفتاح.. ممكن تغني كمان و إنت ماسك الفرشة على إنها ميكروفون.

إفتكر قبل ما تنام كل الكلام الحلو اللي سمعت الناس بتقوله عنك.

كل ما تلاقي حد بيحكي عن مشكلة دورله عن الجانب المشرق فيها.. مهما كانت عويصة.. طلعله فيها فوايد و باركله.

كل ما حد يقولك إزيك عامل إيه؟ قوله الحمد لله مبسوط قوي.. قولها بسرعة من غير ماتفكر و إبتسم.. لوحدك هتتبسط فعلا.

شوف إيه أكبر مشكلة في حياتك.. فكر في أسوأ حاجة ممكن تحصل بسببها و هتلاقيها مش هتموتك و هتفضل برضه في الآخر فوق الأرض مش تحتها و إن الدنيا هتمشي و إحمد ربنا.

فكر في الموت كويس.. و إعرف إنه لسة ماجاش و إعرف إنه قبل ما ييجي لازم تعمل كل اللي نفسك فيه.. و لازم تتبسط و ماتضيعش لحظة مدايق مهما كان السبب.

سافر حتة ماروحتهاش قبل كده.. صورها و صور نفسك فيها.. صلي فيها.. أو بوس أرضها.. أو خد منها تذكار و إرجع ثاني نام على سريرك و عرفه إنه وحشك.

إستحمى في نص ساعة.. خلى المية تنزل على وشك و إسمع صوتها كويس.

جيب لنفسك هدية و إستنى لحد عيد ميلادك و إديها لنفسك.

جيب هدية لحد بتحبه من غير مناسبة.. و إديهاله في عدم إهتمام كأنك ماعملتش حاجة غريبة.

إنزل من بيتك بشبشب و شورت من غير ماتسرح شعرك.. و إتأكد من جواك إنه عادي جدا.. أنا مش مهتم.. و خليك واثق من نفسك.

إشرب مية كثير.

ماتغضبش مهما حصل.

أشكر كل الناس بسبب و من غير سبب.

لو حد إتريق عليك إضحك.. حتى لو من جواك بتضحك عليه.

لو حد شتمك حط ده في تانك البنزين بتاعك علشان يبقى طاقة تحركك لقدام.

لو الناس بعدت عنك إعرف لأنكم مش زي بعض.. لا هما وحشين و لا إنت وحش.. إنتم بس مش زي بعض.. و إتبسط إنك مش بتضيع وقتك معاهم.

لو لقيت نفسك لوحدك شوية ده معناه إنك فريد و نادر من نوعك.. و مين في الدنيا يقول إن نوعك غلط أو وحش.. بس إنت تقدر تتأكد إن ده النوع المناسب ليك.. و إتبسط بيه.. و لو نفسك تغيره غيره.. مافيش حاجة بتلزق حتى إسمك و دينك.

بص لإمبارح.. و شوف إتعلمت منه قد إيه..

خطط لبكره بس إوعى تخاف منه .. إزاي تخاف من حاجة إنت اللي بتبنيها أصلا.. حاجة لسة ماحصلتش و ماحدش في الدنيا يقدر يعرف إيه اللي هيحصل فيها..

إستمتع بالنهاردة كويس.. لأن كل نهاردة هيبقى إمبارح بتاع بكرة زي ما كان بكرة بتاع إمبارح..

إسمع أغنية مدحت صالح وانا ويايا بعيش زي المليونيرات و شوفها على اليو تيوب و إضحك منها أو عليها.. بس في الحالتين هتضحك.

لما حد يحكيلك حاجة مملة علشان يبين مواهبه في الحياة إعمل نفسك متهم آخر حاجة و لما يخلص إعمل نفسك منبهر آخر حاجة برضه.. و كمان إسأله عن تكملة الحكاية.. بس ماتعملش كده كثير.. مرة كل فين و فين..

إفتكر أيام لما كنت بتصحى بدري علشان المدرسة.. و لما كنت بتذاكر فيزيا أو تاريخ.. و أهلك مانعينك من النزول و إتبسط إن ده كله خلص و مش راجع ثاني.

إتبسط.. و لو مش عايز تتبسط.. مش هتعرف تعكنن عليا.

لإن أنا مبسوط.

copied

القوات المسلحة تعتقل رئيس مباحث أمن الدولة بالزقازيق بعد حرق الضباط لمستندات هامة | الدستور

القوات المسلحة تعتقل رئيس مباحث أمن الدولة بالزقازيق بعد حرق الضباط لمستندات هامة | الدستور

Coming Soon

i'm very sorry every body ..... for these days, i'm having very limited internet which of course allows me not to keep blogging .. great apology for every one ..... my next article is coming soon .... also the Shutdown Timer V3 is on it's way 

thank you for your patience, and sorry again :)

Wednesday, March 2, 2011

Shutdown Timer

Here is my first application i blog and i want to share with you ....

the shut down timer ...... if you liked it .... i'll send you the code :D

Tuesday, March 1, 2011

تامر حسني لفرز ..... ارجوكم كفاية tamer hosny lovers ....please stop it ...enough

وأنا قاعد كالعاده زي كل يوم على الفيسبوك لقيت خير اللهم اجعله خير جروب "احنا اسفين يا تامر" !!!!!!!!!!!!!!

أنا عندي سؤال بجد للناس ديه ...... أنتم فاضيين للدرجة ديه ؟؟؟؟ 
يعني هو فضة ولا فراغ ولا هبالة ولا تهريج ولا إيه بالضبط ؟؟؟

أنتم شايفين مشاكل البلد خلاص خلصت وال فلوس رجعت وانتخبنا الريس الجديد ووفقنا على الدستور وبقى فيه مجلس شعب محترم بيمثلنا والدوري حتى رجع وكله تمام ...... في بنقول اسفين يا تامر ..... بجد شايفين إنه حد يستحق الكلام ده ... في التوقيت ده 

طب بلاش ..... هو أنتم من بلد تانية مثلا فـأحط جزمة في بقي وأسكت ويحاول ابلعها ولا إيه :S:S 
وبعدين إزّي يعني بنقول على صورة عجيبة كده ...."احنا اسفين يا تامر على ناس مننا ماكانوش اد ثقتك فيهم"
معلش يعني ثقة مين في مين ؟؟؟؟؟؟؟

هو تامر ده قائد جيوش العرب وأنا مش واخد بالي ؟؟؟؟

يا جماعة عيب بجد ...... اللي بيحب تامر ده حريته بس مش لازم تكون مستفز .... راعي اللي البلد فيه والناس اللي ماتت وال مش لاقيين ياكلوا

يعني كفاية علينا إنه لما خارج من السجن بتهمة تهربه من التجنيد طالع يغني لمصر :S:S 
وعملتوه بطل كمان ...... برده براحتكم ...... بس كل حاجة ليها حدود 

دور على موقفك من البلد دلوقتي وعايز مين الحكومة ومين الريس وطلع بطاقة انتخابية لغاية متلقي كلام مضمون عشان تنتخب ..... واعمل حاجة للمجتمع المدني ..... ولما تحس البلد بقت أحسن ارجع بقى ل تامر و عمرو دياب وال عالم الجامدة ديه 

أنا كنت هتشل من كلامكم ده يا جامعة حرام عليكم بجد 
وآسف لو جراحة شعور مرهف ل حد ولا حاجة بس كفاية استفزاز بالله عليكم 


بكيبورد --> مهند محمد 

كيبورد = keyboard